hour-glass-fig

ഇനി Hour-glass ഫിഗര്‍

സൈസ് സീറോ ആണ് പുരുഷന്‍മാര്‍ക്ക് ഇഷ്ടമെന്ന് കരുതിയാല്‍ തെറ്റി. Hour- glass ഫിഗറാണത്രേ പുരുഷന്‍മാരെ ആകര്‍ഷിക്കുന്നത്. ഇതെന്തു ഫിഗര്‍ എന്നല്ലേ. വിസ്താരമുള്ള അരക്കെട്ടും ഒതുങ്ങിയ ഇടുപ്പും ആകൃതിയൊത്ത സ്തനങ്ങളും കൊഴുപ്പിന്റെ അതിപ്രസരമില്ലാത്ത ശരീരവും ആണ് Hour-glass figure. പഴയ സമയമാപിനിയുടെ ആകൃതി ഓര്‍ത്തുനോക്കിയാല്‍ മതിയാകും. സ്ലിം ബ്യൂട്ടികളെക്കാളും പുരുഷന്റെ മനസില്‍ പതിയുന്നത് ഈ സൗന്ദര്യമാണെന്നാണ് പഠനങ്ങള്‍ വെളിപ്പെടുത്തുന്നത്. ഇങ്ങനെയുള്ള സുന്ദരിമാരെ കാണുന്നത് പുരുഷന്റെ തലച്ചോറില്‍ ബ്രാന്‍ഡിയും ബിയറും നല്‍കുന്ന ഉത്തേജനമാണ് ഉണ്ടാക്കുന്നതെന്നും പഠനത്തില്‍ പറയുന്നു.

Hour-glass ഫിഗറാകാന്‍ സഹായിക്കുന്ന ആക്‌സസറീസും ഡ്രസുകളും ഇപ്പോള്‍ വിപണിയിലുണ്ട്. അരക്കെട്ടിന്റെ അമിതവണ്ണം കുറയ്ക്കുന്ന അടിവസ്ത്രങ്ങളും വലിയ കപ്പും പാഡും ഉള്ള ബ്രായും ആണ് ഇവയില്‍ മുന്‍പന്തിയില്‍. ശരീരഭാഗങ്ങളുടെ വലുപ്പം കൂട്ടാനും കുറയ്ക്കാനും സര്‍ജറിക്ക് വിധേയരാകുന്ന സ്ത്രീകളുടെ സംഖ്യ 175 ശതമാനമാണ് വര്‍ദ്ധിച്ചിരിക്കുന്നത്. Hour-glass curves നു വേണ്ടി ഡയറ്റ് നോക്കിയും എക്‌സര്‍സൈസ് ചെയ്തും സുന്ദരിമാര്‍ പണിപ്പെടുകയാണ്. സൗന്ദര്യം പ്രദര്‍ശനത്തിനും ഉള്ളതാണെന്ന ചിന്ത സ്ത്രീകള്‍ക്കുണ്ട്. അതിനാല്‍ മാജിക്കല്‍ സ്ലിം-ഫിറ്റ് ഫിഗറാണ് അവരുടെ ലക്ഷ്യം.
പതിന്നാലോളം പുരുഷന്‍മാരുടെ തലച്ചോറാണ് Hour-glass ഫിഗറില്‍ നിരീക്ഷണത്തിന് വിധേയമാക്കിയത്. മെലിഞ്ഞ നഗ്നസുന്ദരികളുടെ ചിത്രങ്ങള്‍ ആദ്യവും പിന്നീട് ഈ സുന്ദരിമാരുടെ ഇടുപ്പിലും നെഞ്ചിലും പ്ലാസ്റ്റിക് സര്‍ജറിയിലൂടെ കൂടുതല്‍ ഷെയ്പ് വരുത്തിയ ചിത്രങ്ങളും കാണിച്ചു. തുടര്‍ന്നാണ് ബ്രയിന്‍ അനാലിസിസ് നടത്തിയത്. ആദ്യത്തെ ചിത്രങ്ങളെക്കാള്‍ പുരുഷന്‍മാരെ ഉത്തേജിപ്പിച്ചത് രണ്ടാമത്തെ ചിത്രങ്ങളായിരുന്നു. തലച്ചോറില്‍ മദ്യവും മയക്കുമരുന്നും കഴിക്കുമ്പോള്‍ ഉത്തേജിതമാകുന്ന അതേ കേന്ദ്രമാണ് ഈ ചിത്രങ്ങളിലൂടെ ഉത്തേജിതമായതത്രേ.

| Gijimol P

abhinay

ആണുങ്ങളുടെ മേക്കപ്പ് കിറ്റില്‍ എന്തെല്ലാം?

പുരുഷന്റെ പരുക്കന്‍ സൗന്ദര്യം എന്നൊക്കെ പറയുന്നത് ഇപ്പോള്‍ ക്രീമിട്ട് മയപ്പെടുത്തിയിരിക്കുന്നു. സ്ത്രീകളുടെ അത്രയും വരില്ലെങ്കിലും ബ്യൂട്ടിപാര്‍ലറുകളില്‍ പോകുകയും ഫെയ്‌സ്‌ക്രീമും ലോഷനും ഉപയോഗിക്കുകയും ചെയ്യുന്നവരുടെ എണ്ണം കൂടി വരികയാണ്. പുരുഷന്‍മാരുടെ ബ്യൂട്ടികിറ്റില്‍ വേണ്ട കാര്യങ്ങള്‍ എന്തൊക്കെയെന്ന് നോക്കാം.

ഫെയ്‌സ് ക്ലന്‍സര്‍- ദിവസത്തില്‍ രണ്ടുതവണയെങ്കിലും നല്ലൊരു ക്ലന്‍സര്‍ ഉപയോഗിച്ച് മുഖം കഴുകണം. ആല്‍ഫ ഹൈഡ്രോക്‌സി ആസിഡ് അടങ്ങിയ ക്ലന്‍സറാണ് ഉത്തമം. മൃതചര്‍മ്മം നീങ്ങാനും ചര്‍മ്മസുഷിരങ്ങള്‍ വൃത്തിയാക്കാനും ഇതാണ് നല്ലത്.

ഷേവിങ് ക്രീം- റേസറിന് തടസങ്ങളില്ലാതെ നീങ്ങാന്‍ പറ്റിയതാകണം ഷേവിങ്ങ് ക്രീം. ക്രീമോ ജെല്ലോ സോപ്പോ ഉപയോഗിച്ചതിന് ശേഷമേ ഷേവ് ചെയ്യാവൂ. ബ്രഷ് ഉപയോഗിച്ച് സോപ്പുപുരട്ടുന്നത് നല്ലതാണെന്നും അഭിപ്രായമുണ്ട്.

ആഫ്‌ററര്‍ ഷേവ് ലോഷന്‍‍- ചര്‍മ്മത്തില്‍ മുറിവുകള്‍ പറ്റിയിട്ടുണ്ടെങ്കില്‍ ഇത് വളരെ നല്ലതാണ്. ഇന്‍ഫെക്ഷന്‍ തടയും, മോയ്‌സ്ചറൈസറായും പ്രവര്‍ത്തിക്കും.

മോയ്‌സ്ചറൈസര്‍- പ്രായമേറുന്നതനുസരിച്ച് ചര്‍മ്മത്തിന് ആവശ്യമായ എണ്ണമയം പോലും നഷ്ടപ്പെടും ഇതിനൊരു പരിഹാരമാണ് മോയ്‌സ്ചറൈസര്‍. ആന്റി ഓക്‌സിഡന്റ്‌സായ വിറ്റമിന്‍ എ, സി, ഇ എന്നിവയടങ്ങിയ മോയ്‌സ്ചറൈസറാണ് വേണ്ടത്. സോഡിയം ലോറൈല്‍ സള്‍ഫേറ്റ് അടങ്ങിയ ക്രീമുകളും ലോഷനും ഉപയോഗിക്കരുത്.ഇവ ചര്‍മ്മത്തിനാവശ്യമായ നാച്വറല്‍ ഓയിലിനെ പോലും ഇല്ലാതെയാക്കും.

സണ്‍സ്‌ക്രീന്‍‍-കൂടുതല്‍ സമയവും പുറത്ത് ചെലവഴിക്കുന്നതിനാല്‍ സണ്‍സ്‌ക്രീന്‍ പുരുഷന്‍മാര്‍ക്ക് ഗുണകരമാണ്. സണ്‍സ്‌ക്രീന്‍ നല്ലൊരു ആന്റി ഏജിങ്ങ് ക്രീം ആണ്. ഷേവിങ്ങിന് ശേഷം സണ്‍സ്‌ക്രീന്‍ ലോഷന്‍ പുരട്ടാം. സണ്‍പ്രൊട്ടക്ഷന്‍ ഫാക്ടര്‍ -15 വരെയെങ്കിലും ഉള്ളതാകണം ലോഷന്‍.

പുരുഷന്‍മാരുടെ സ്ഥിരമായുളള ചര്‍മ്മപരിചരണത്തില്‍ പെടുന്നതാണ് ഷേവിങ്ങ്. ഷേവ് ചെയ്യുമ്പോള്‍ മൃതചര്‍മ്മം നീക്കപ്പെടുകയാണ്. ഇത് നിങ്ങളെ കൂടുതല്‍ ചെറുപ്പമാക്കുന്നു. എന്നാല്‍ ഷേവ് ചെയ്യുമ്പോള്‍ ശ്രദ്ധിച്ചില്ലെങ്കില്‍ റേസര്‍ തടയുകയോ മുറിവുണ്ടാകുകയോ ചെയ്യാം. ഇത് കൂടുതലായുണ്ടാകുന്നത് നീളം കുറഞ്ഞ രോമം ആകുമ്പോഴാണ്. ശരിയായി ഷേവ് ചെയ്യാന്‍ താഴെ പറയുന്ന കാര്യങ്ങള്‍ ശ്രദ്ധിക്കാം.

മുഖം നന്നായി ചൂടുവെള്ളത്തില്‍ കഴുകുക. ഇനി ഷേവിങ്ങ് ക്രീം പുരട്ടുക. രോമങ്ങളില്‍ ക്രീം നന്നായി പുരളണം. മൂര്‍ച്ചയുള്ള റേസര്‍ ഉപയോഗിച്ച് പതുക്കെ ഷേവ് ചെയ്ത് തുടങ്ങാം. രോമവളര്‍ച്ചയുള്ളിടത്ത് നിന്നും താഴേക്കു വേണം റേസര്‍ നീങ്ങാന്‍. തുടര്‍ച്ചയായി ഒരിടത്ത് തന്നെ റേസര്‍ ഉരസരുത്. നന്നായി രോമം നീങ്ങിയ ശേഷം തണുത്തതോ ചെറുചൂടോ ഉള്ള വെള്ളത്തില്‍ നന്നായി മുഖം കഴുകണം. ഇനി ഒരു ആഫ്റ്റര്‍ ഷേവ് ലോഷനോ, സണ്‍സ്‌ക്രീന്‍ മോയ്‌സ്ചറൈസറോ ഉപയോഗിക്കാം.

| Meera

rima-kallingal

വട്ടമുഖക്കാര്‍ക്ക് ചെറിയ സ്‌റ്റഡ് വേണ്ട

മുഖത്തിനിണങ്ങുന്ന കമ്മലുകള്‍ നിങ്ങളെ കൂടുതല്‍ സുന്ദരിയാക്കും. എന്നാലതിന് ആദ്യമറിയേണ്ടത് നിങ്ങളുടെ മുഖത്തിന്റെ ആകൃതി എന്താണെന്നാണ്. ഓരോ മുഖത്തിനും ചേരുന്ന കമ്മലുകളെക്കുറിച്ച് ഇതാ…

റൗണ്ട് ഫെയ്‌സ് (Round Face)
ഇവര്‍ക്ക് ഏറ്റവും അനുയോജ്യം നീളം കൂടിയ വണ്ണം കുറഞ്ഞ ഇയര്‍റിങ്ങുകളാണ്. ഇത് വട്ടമുഖത്തിന് നീളം തോന്നിപ്പിക്കും. ഓവല്‍ ഷേപ്പിലുള്ള കമ്മലും ധരിക്കാം. ആംഗുലാര്‍ സ്റ്റഡ് ഇയര്‍റിങ്ങുകളും വളരെ യോജ്യമാണ്. ചെറിയ സ്റ്റഡുകളും സര്‍ക്കുലാര്‍ റിങ്ങുകളും കട്ടികൂടിയ വലുപ്പമുള്ള ഇയര്‍റിങ്ങുകളും ഒഴിവാക്കണം.

ഓവല്‍ ഫെയ്‌സ് (Oval Face)
ഓവല്‍മുഖത്തെ വ്യത്യസ്തമാക്കുന്നത് വിശാലമായ നെറ്റിത്തടമാണ്. നെറ്റിത്തടത്തിന് വീതി കൂടുമ്പോള്‍ അടിത്താടിക്ക് വീതി കുറവായിരിക്കും. ഓവല്‍ മുഖമുള്ളവര്‍ക്ക് ചെറിയ സ്റ്റഡുകളും ഓവല്‍സും ടിയര്‍ഡ്രോപ്‌സുമാണ് ഇണങ്ങുന്നത്. എല്ലാത്തരം ഡിസൈനുകളും ഇവര്‍ക്ക് ചേരും.വ്യത്യസ്തമായ സ്റ്റൈലുകള്‍ പരീക്ഷിച്ച് നിങ്ങളുടെ മുഖത്തിനിണങ്ങുമോ എന്നും നോക്കാവുന്നതാണ്.

ഹേര്‍ട്ട്‌ ഷേയ്പ്ഡ് ഫെയ്‌സ് (Heart shaped Face)
ഹൃദയത്തിന്റെ ആകൃതിയുള്ള ഈ മുഖക്കാരുടെ പ്രത്യേകത വീതികുറഞ്ഞ താടിയും വീതിയുളള നെറ്റിത്തടമോ, കവിള്‍ത്തടവുമോ ആണ്. ഏകദേശം ഓവല്‍ മുഖത്തിന് സമമാണെങ്കിലും താടിയെല്ലിന്റെ ഭാഗം കൂര്‍ത്തതായിരിക്കും. വീതിയേറിയ അടിഭാഗമുള്ള കമ്മലുകളാണ് അനുയോജ്യം. ചെറിയ വളവുള്ള ഓവല്‍സും ടിയര്‍ഡ്രോപ്‌സും ഇടാം. പിരമിഡ് സ്റ്റൈല്‍ ഇയര്‍ റിങ്ങ് ബസ്‌ററായിരിക്കും. ഹേര്‍ട്ട് സ്റ്റൈല്‍ ഇയര്‍റിങ്ങ് ധരിക്കരുത്.

ഡയമണ്ട് ഫെയ്‌സ് (Diamond Face)
കവിളുകള്‍ വിസ്താരമേറിയതും നെറ്റിയും താടിയെല്ലിന്റെ ഭാഗവും ഇടുങ്ങിയതുമാണ് ഈ ആകൃതി. ഇത്തരക്കാര്‍ നീളം കുറഞ്ഞതും വീതി കൂടിയതുമായ ഇയര്‍റിങ്ങുകളാണ് ഇടേണ്ടത്. ഒരേ നീളത്തിലുള്ള കമ്മലോ വളവുള്ളവയോ അനുയോജ്യമാണ്. സ്‌മോള്‍ ഡ്രോപ് ഇയര്‍റിങ്ങുകളും സ്റ്റഡുകളും നന്നായി ഇണങ്ങും.

ഒബ്‌ലോങ്ങ് ഫെയ്‌സ് (Oblong Face)
സ്‌ക്വയര്‍ ഫെയ്‌സുമായി വളരെ സാമ്യമുണ്ട് ഒബ്‌ലോങ്ങ് ഫെയ്‌സിന്. എന്നാല്‍ നീളം കൂടുതലും വീതി കുറവുമാണെന്ന് മാത്രം. സിംപിള്‍ സ്റ്റഡുകളും ഷാന്‍ഡ്‌ലിയര്‍ സ്റ്റൈല്‍ ഇയര്‍റിങ്ങുകളുമാണ് ഏറെ ചേരുന്നത്. ആംഗുലാറും നീളമുള്ളതുമായ ഇയര്‍റിങ്ങുകള്‍ ഒഴിവാക്കണം.

സ്‌ക്വയര്‍ ഫെയ്‌സ് (Square Face)
വീതിയേറിയ പരന്ന നെറ്റിത്തടമാണ് സ്‌ക്വയര്‍ ഫെയ്‌സിനുളളത്. താടിയെല്ല് കൂര്‍ത്തതായിരിക്കും.റൗണ്ടോ ആംഗുലറോ ആയ ഇയര്‍റിങ്ങുകള്‍ മുഖത്തിന് അനുയോജ്യമാണ്. ആംഗുലാര്‍ സ്‌റ്റൈല്‍ വലിയ ഇയര്‍റിങ്ങുകള്‍ ഇടരുത്. റൗണ്ട് ഇയര്‍റിങ്ങുകള്‍ ഭംഗി കൂട്ടും.

| Gijimol P

www.glamdays.com