miss-world-2014

റോളന്‍ സ്‌ട്രോസ് ലോകസുന്ദരി

2014ലെ ലോകസുന്ദരി ദക്ഷിണാഫ്രിക്കയില്‍നിന്നുള്ള റോളന്‍ സ്‌ട്രോസ്. ഹംഗറിയില്‍ നിന്നുള്ള ഇഡിന കുല്‍സ്‌കര്‍ ആണ് റണ്ണറപ്പ്. മിസ് യു.എസ്. എലിസബത്ത് സഫാരിസ്റ്റാണ് മൂന്നാം സ്ഥാനത്ത്.

ഇന്ത്യയില്‍നിന്നുള്ള ജയ്പുര്‍ സ്വദേശിനി കോയല്‍ റാണയ്‌ക്ക് അവസാന റൗണ്ടിലെത്താന്‍ സാധിച്ചില്ല. ഹംഗറി, ഓസ്‌ട്രേലിയ, യു.എസ്., ദക്ഷിണാഫ്രിക്ക, ഇംഗ്ലണ്ട് എന്നിവിടങ്ങളിലെ സുന്ദരിമാരാണ് അവസാന അഞ്ചിലെത്തിയത്.

ലോകത്തിന്റെ വിവിധഭാഗങ്ങളില്‍നിന്നുള്ള 121 സുന്ദരികളെ പിന്തള്ളിയാണ് ഇരുപത്തിരണ്ടുകാരിയായ റോളന്‍ സ്‌ട്രോസ് സുന്ദരിപട്ടം നേടിയത്. നാലാം വർഷ മെഡിക്കല്‍ വിദ്യാര്‍ഥിനിയായ റോളൻ ഒരു ഡോക്ടറിന്റെയും നഴ്‌സിന്റെയും മകളാണ്. നാല്പതു വർഷത്തിനു ശേഷമാണ് സൗത്ത് ആഫ്രിക്കയിലേക്ക് ലോകസുന്ദരിപ്പട്ടം എത്തുന്നത്. 1974-ൽ മിസ് യു കെ എലിസബത്ത് മോർഗൻ ലോകസുന്ദരിയായി തെരഞ്ഞെടുക്കപ്പെട്ടെങ്കിലും അവർക്ക് ഒരു കുഞ്ഞുണ്ട് എന്ന വിവരം പുറത്തായതോടെ കിരീടം മിസ് സൗത്ത് ആഫ്രിക്ക ആൻലിൻ ക്രൈലിനു കൈമാറുകയായിരുന്നു.

cooling-glass

മുഖത്തിനിണങ്ങിയ Glass ഏത്?

ഷോര്‍ട്ട് സൈറ്റായാലും, ലോങ് സൈറ്റായാലും കണ്ണട വെയ്ക്കാന്‍ ഇപ്പോ ആര്‍ക്കും മടിയില്ല. നല്ല സ്റ്റൈലന്‍ കണ്ണടകള്‍ കാണുമ്പോള്‍ പ്ലെയിന്‍ ഗ്ലാസ് വാങ്ങി വെച്ചാലോ എന്നാലോചിക്കുന്നവരും (നടപ്പിലാക്കുന്നവരും) ഉണ്ട്. കമ്പ്യൂട്ടറിന് മുന്നില്‍ മണിക്കൂറുകള്‍ ചെലവഴിക്കണം, പൊടിശല്യം . കണ്ണട ധരിക്കാന്‍ ഓരോരോ കാരണങ്ങള്‍. പ്ലെയിന്‍ ഗ്ലാസ് ആണെങ്കില്‍ പോലും അങ്ങനെ വെറുതെ വാങ്ങി മൂക്കില്‍ വയ്‌ക്കാന്‍ പറ്റുന്ന സാധനമല്ല കണ്ണട. അതു നിങ്ങളുടെ മുഖത്തിന്റെ ആകൃതിക്ക് യോജിച്ചതല്ലെങ്കില്‍ മൊത്തം കുളമാകും.

ഓവല്‍ ആകൃതിയിലുള്ള മുഖമുള്ളവര്‍ ഭാഗ്യവതികള്‍; ഭാഗ്യവാന്മാരും. മുഖം വളരെ ബാലന്‍സ്‌ഡ് ആയതിനാല്‍ ഏത് തരം കണ്ണടയും ഇവര്‍ക്കു ഫിറ്റ്. എങ്കിലും വിസ്താരമുള്ള കണ്ണടകളാണ് കൂടുതല്‍ ഭംഗി.

ചതുര മുഖത്തെ വേറിട്ട് നിറുത്തുന്നത് താടിയെല്ലും വിശാലമായ നെറ്റിത്തടവുമാണ്. വിസ്താരം കുറഞ്ഞ വട്ട കണ്ണടയോ വലിയ ഓവല്‍ ഫ്രെയിമുകളോ ഈ മുഖത്തിന് ചേരും.

വട്ടമുഖത്തിന് ഏറ്റവും യോജിക്കുന്നത് നീളമുള്ളതും വിസ്‌താരം കുറഞ്ഞതുമായ ഗ്ലാസ് ആണ്. ഇത് മുഖത്തിന്റെ നീളം കൂട്ടും. ചതുരക്കണ്ണടകളും O K.

നീണ്ട മുഖമുള്ളവര്‍ വലിയ ഫ്രെയിമുള്ള ഓവല്‍, റൗണ്ട് ഗ്ലാസുകള്‍ വാങ്ങാന്‍ മറക്കരുത്.

| Gijimol P

lace-dress

ലേസാ …ലേസാ

ലേസ് വച്ച ഉടുപ്പുമിട്ട് നടന്ന കുട്ടിക്കാലം നമ്മുടെ മിനുമിനുത്ത ഓര്‍മയാണ്. ഓര്‍ക്കുമ്പോള്‍ത്തന്നെ എവിടെ നിന്നോ വരുന്നു ഒരു സന്തോഷം. അന്നത്തെ ഉടുപ്പുകളെ അലങ്കരിച്ച ലേസിനുമുണ്ട് അതേ മിനുമിനുപ്പ്.

നമുക്കെത്ര പ്രായമായിട്ടും തീരെ പ്രാ‍യമാകാതെ മിനുമിനുപ്പോടെ നില്‍ക്കുകയാണ് ലേസ്. കുട്ടിയുടുപ്പുകളില്‍ നിന്ന് ചുരിദാറുകളിലേക്കും സാരിയിലേക്കുമൊക്കെ ലേസ് പടരുകയും ചെയ്‌തിരിക്കുന്നു. ലേസാണ് താരം എന്നു പോലും പറയാം.

സാരികളും ചുരിദാറും മാത്രമല്ല, കോട്ടുകള്‍, ലഗ്ഗിങ്ങ്‌സുകള്‍, സ്‌റ്റോക്കിങ്‌സുകള്‍, ജാക്കറ്റുകള്‍ , നിശാവസ്ത്രങ്ങള്‍ , അടിവസ്ത്രങ്ങള്‍ തുടങ്ങിയവയെല്ല്ലാം ഭംഗി കൂട്ടാനായി ലേസില്ലാതെ പറ്റില്ല എന്നതാണ് അവസ്ഥ. വളരെ ഭാരം കുറവാണെന്നതും ശരീരത്തില്‍ ഇഴുകിച്ചേര്‍ന്ന് കിടക്കുമെന്നതുമാണ് ലേസ് സാരികളുടെ മെച്ചം. ബോളിവുഡ് താരങ്ങളുടെ പോലും പ്രിയവസ്ത്രമായി ലേസ് സാരിയെ മാറ്റുന്നതും ഈ ഗുണം തന്നെ. ഹോളിവുഡിലാണെങ്കില്‍ ലേസ് സ്‌റ്റോക്കിങ്ങ്‌സും ഷ്രഗുകളുമാണ് ( shrug) കൂടുതല്‍ പ്രിയം.

ഗോള്‍ഡ്‌ ലേസ് വച്ച ലെഗ്ഗിങ്ങ്‌സിനൊപ്പം ട്യൂണിക്‌സ് കൂടി ചേരുമ്പോള്‍ ചുരിദാര്‍ പോലെ ധരിക്കാം. ലേസ് പിടിപ്പിച്ച കോര്‍സെറ്റുകളും (corset) ലെഗ്ഗിങ്ങ്‌സുകളും സെക്‌സി ലുക്ക് നല്‍കും. വിവിധനിറങ്ങളിലുളള ലേസിനൊപ്പം മുത്തുകളും പിടിപ്പിച്ചാല്‍ സ്‌റ്റൈലായി. സ്വരോവ്‌സ്‌കി ക്രിസ്റ്റലുകള്‍ പിടിപ്പിച്ചാല്‍ വില കൂടുമെങ്കിലും മൊത്തത്തില്‍ ഒരു സംഭവമായി മാറാന്‍ വേറൊന്നും ചെയ്യണ്ട. ലേസ് ഷൂസുകള്‍ കൂടിയായാല്‍ ഡബിള്‍ ഓക്കെ!

അടുത്ത തവണ സ്റ്റൈലന്‍ വേഷങ്ങള്‍ തപ്പിയിറങ്ങുമ്പോള്‍ ഒരു കണ്ണ് ലേസിലും വച്ചോളൂ.

| Gijimol P

www.glamdays.com